Подробнее...  

«Батыс Қазақстан облысы әкімдігі білім басқармасының Теректі ауданының білім беру бөлімі» ММ «Үздік педагог» атағын беру конкурсының I кезеңі (сырттай) 2022 жылдың 30 қыркүйегінде өтетіндігін хабарлайды.

Подробнее...  

Подробнее...  

Подробнее...  

 

Бүгін Ы.Алтынсарин атындағы ЖОББ мектебінде «Педагогикалық жұмыстағы шешуші нәрсе – жақсы оқыту әдістерін таба білуде» тақырыбында облыстық семинар өтті. Бұл семинарға білім басқармасы басшысының орынбасары С.Темірғалиева, Тасқала ауданының білім бөлімінің басшысы А.Касимова, Теректі АББ басшысы Ж.Хусаинова және мектеп директорлары мен тәрбие ісі жөніндегі орынбасарлар қатысты. Семинар оқу-тәрбие үрдісінің қолайлы даму ортасын құру арқылы шығармашылық әлеуеттерін жетілдіруге қолдау көрсету мақсатын көздеді. Кездесу «Үштілділік» амандасу тимбилдингісінен бастау алып, мектеп директоры А.Ахметкалиева семинарды ашып берді. Білім басқармасы басшысының орынбасары С.Темірғалиева шараға шақырылған ұстаздарға N366 бұйрық жөнінде және жазғы мектеп туралы айтып өтті. Одан әрі «Адамның құдіреті жүрегінде» шеберлік сыныбы көрсетіліп, «Оқытудың табыстылығын арттырудағы hard skills пен soft skills дағдыларының ерекшеліктері» атты коучингті А.Ахметкалиева мен А.Тохлиева өткізді. Шара мектеп мұражайына саяхатпен жалғасты. Л.Жантемирова мен А.Куснетденов толық таныстырып өтті.

Келесі ой алаңы «Өмірлік дағдыларды қалыптастырудың жолы - практика» атты халықаралық зерттеулерге арналды. Кезегінде Ы.Алтынсарин шығармаларынан сахналық көріністер тамашаланды. Кітапханада «Оқуға құштар мектеп» жобасы аясында жұмыстар көрсетілді. Семинар соңында «Домбыра» ансамблінен тарту жасалып, облыстық, аудандық байқаулардың жеңімпаздары өлең оқып, бишілер «Құмыра» биін билеп, шараға қатысушыларға керемет көңіл күй сыйлады. Семинарды қорытындылай келе «Ашық микрофон» әдісі арқылы кері байланыс орнатылып, пікірлер мен ұсыныстар ортаға салынды. Бұл екі ауданның іс-тәжірибе алмасу, кәсіби құзіреттілікті арттыру, шығармашылық идеяларымен танысу бағытындағы алтын көпірлі байланыс әрі қарай жалғаспақ.

Теректі аудандық білім бөлімінің баспасөз қызметі

 

Бүгін Теректі аудандық білім беру бөлімінің жылдық жоспарына сәйкес Жаңа өмір ауылындағы Шаған ЖОББ мектебінде ағылшын тілі пәні мұғалімдеріне арналған "Speaking skills in practice" тақырыбында семинар-практикум өтті.

Шет тілін үйренуде сөйлеу практикасы өте маңызды екендігі баршамызға аян. Осы орайда, Шаған ЖОББ мектебінің ағылшын тілі мұғалімдері өз тәжірибесімен бөлісті. Семинар барысында АӘК меңгерушісі Ж. Аманғалиева алғашқы сөз сөйлеп семинар шымылдығын ашып, ары қарай семинар практикалық сабақ пен тренингтермен жалғасты. Мектеп мұғалімдері Г. Губашева, Г. Сисенбаева, Д. Куптлеуова тәжірибелерімен бөлісіп, оқушылардың сөйлеу дағдысын арттыру үшін сыныптағы әдіс-тәсілдерді қолданудың тиімді жолдарын көрсетті.

Теректі аудандық білім беру бөлімінің баспасөз қызметі.